O mundo civilizado conmemora cada 27 de xaneiro (liberación de Auschwitz), o Día Internacional en Memoria das Vítimas do Holocausto, dende que o aprobaran a ONU e a UE. Dende 2004, a Asemblea de Madrid, o Parlament de Catalunya, as Cortes e outras Cámaras programan actos de recordo daquel xenocidio –ise sí que o foi– no que eliminaron, por consideralos racialmente inferiores, a seis millóns de xudeos, e tamen a milleiros de ciganos (xitanos), homosexuais e, por suposto, republicanos galegos.A pesar dos solemnes actos que cada ano se celebran en todo o mundo, hai que dicir que neste país o antisemitismo sigue sendo un execrable deporte nacional. En España non houbo Treblinkas nin Mauthausen, nin guerra mundial, nin, obviamente, remorsos por masacres como a de Babi Yar, nas aforas de Kiev, na que asasinaron a 100.000 persoas, a terceira parte nenos. Tal vez por todo iso no noso pais persiste redivivo o antisemitismo dos tempos da Inquisición, mentres que, pola contra, en Ucraina acaban de sair á rúa miles de manifestantes en defensa do dereito de Israel –patria dos xudeos– a existir. O antisemitismo foi cousa da Igrexa, da dereita e dos nazis, ata que a esquerda máis asilvestrada decidiu sumarse á xudeofobia pola vía da banalización do Holocausto. A máis sonada incorporación a este movimento foi a do Nobel José Saramago, que comparou Auschwitz con Gaza. O ano pasado o BNG negouse a aprobar unha declaración institucional no Parlamento –como se fai en Madrid ou Barcelona– cos mesmos argumentos banalizadores do escritor portugués. Coa súa decisión castigou a pais e avós –as vitimas da barbarie nazi– polo comportamento que na actualidade achacan aos seus fillos e netos. Por suposto, nin Saramago nin o BNG –algo de comunistas teñen todos eles– admitiron nunca os xenocidios de Stalin sobre case 10 millóns de vítimas, ou o dos xemeres vermellos en Camboia, por poñer so dous exemplos. Tal vez para compensar, incurren en banalización ao falar de xenocidio en Gaza e negarse a honrar ou, como mínimo, respetar a memoria da Shoá: o episodio histórico máis documentado da historia da humanidade, incluso coa testemuña dos mesmos vitimarios que o cometeron. Paréceme inquietante que en algo coincidan con Pedro Varela, o rei dos nazis en España
Os republicanos estaban presos por ser republicanos e españois, entre eles algúns galegos , pero non estaban por ser repubicanos galegos. Os do Bloque encantarialles porque terian un argumento mais que demostraria a "opresión secular do pobo galego" pero non foi así. Cada cousa no seu sitio que despois pasa o que pasa.
ResponderEliminarSe hace evidente que la izquierda hace aquí a veces el juego a la derecha,cuyos miembros,asombrosamente,son ya nietos y biznietos de los que ganaron una guerra en los anos treinta del pasado siglo.En Francia mucha de la derecha viene de gentes cuyos antepasados lucharón contra los Nazis en la Resistencia.
ResponderEliminarNo digo que todos sean así,pero es triste que se les haga el juego a los fachas que militan en nuestra derecha con piel de cordero por una izquierda que apoya ciegamente a paises no democráticos y que mantienen a su población en el casi feudalismo religioso
Meu querido amigo: Non somos antisemitas somos antisionistas os que criticamos a eses dirixentes que fan que un pobo como o xudeo sexa odiado nestes momentos por moita xente.Un estado que debe a súa lexitimidade ás Nacións Unidas e que agora é o país que máis incumpre as súas resolucións..Coñece vostede outro país máis incumpridor?
ResponderEliminarPor último, non se meta tanto cos comunistas que éstos foron os que máis loitaron e morreron na loita contra o nazismo e antes, contra o fascismo español tan amigo de Hitler.Ou tampouco esto é certo?
PS: Como hai que interpretar a ultima razzia de israel en Gaza?Por que abandonan as súas posicións? Cal era o seu obxetivo último ademáis de matar por matar?
Cordiais saúdos.
Estimado anónimo:
ResponderEliminarNon me dirixo aos que critican os dirixentes israelís, porque iso tamén o fago eu. Diríxome aos que SO critican a Israel e nada máis que a Israel. Aos que comparan o holocausto de 6 millóns de persoas -algúns deles paisanos nosos- coa moi lamentable morte de 1.000 ou 5.000 inocentes. Aos que fan isa inmoral comparanza e fomentan o odio e a violencia contra outros inocentes que, polo feito de ser xudeos, xa están amenazados en calquera cidade de Europa..., incluida Santiago.
En relación con este malfadado conflito, a resolución vinculante máis importante da ONU foi, como vostede sabe, aquela que no 1948 decidiu crear un estado xudeo e outro árabe. E os árabes (non había pobo palestino, nin nacionalismo palestino) non so desoiron a resolución que lles daba o que agora 60 anos despois reclaman (un estado) senon que invadiron Israel con seis exércitos e o propósito público e publicado de botar aos xudeos ao mar.
Pero sobre a ONU podíamos falar moito. Por exemplo da súa Comisión de Dereitos Humanos, normalmente presidida por paises onde se respectan eses dereitos como Siria ou Libia, que por outra parte nunca recibiron condenas. Durante 40 anos Israel foi excluida de calquera organismo da ONU porque os paises do seu entorno non admiten que forme parte do Grupo Asiático. Por suposto, os árabes vetárono tamén para que forme parte temporal (como todo o mundo, entre eles 18 países árabes ata o momento) do Consello de Seguridade e grazas a que foi admitido no WEOG occidental, con sorte poderá acceder a ese Consello no ano 2019.
A ONU é tan democrática que condenou reiteradas veces a Israel, como vostede sabe, e prácticamente ningunha vez aos países árabes e/ou musulmáns, seguramente porque non teñen chata, nin mácula, nin responsabilidade en nada. Son inocentes e puros.
Cando se trata de Israel convócanse o Consello de Seguridade ou a Asemblea xeral, pero esta última non foi convocada, por exemplo, nin coa ocupación china do Tibet, nin coa invasión indonesia de Timor, nin coa ocupación Siria do Líbano, nin coas matanzas de Rwanda, Zaire ou Bosnia. Durante máis de 20 anos os organismos da ONU reúnense para condenar a Israel, e Israel -no seu dereito, porque se trata de resolucións non vinculantes- decidiu non cumplilas (*). Pero hai moita xente que non lle importa nada de ningún outro país, SO lle importa que UN so pais incumpla os acordos da ONU. E ise proceder é o que eu condeno como antisemita ou xudeófobo.
Por certo, entre 1967 e 1972 USA apoiou ou se abstivo en todas as resolucións contra Israel. Entre 1973 e 2004 os USA apoiaron a Israel en 40 das 100 resolucións relacionadas con este país. Nas 60 restantes se abstiveron ou apoiaron resolucións críticas ou condenatorias.
En 2003 Israel presentou unha resolución pedinto protección para os nenos israelis contra o terrorismo. Era a primeira peticion en 27 anos de críticas feroces no seo dunha ONU onde hai mais paises gobernados por sátrapas, dictadores, teócratas e xenocidas, que democracias. A resolución non prosperou, porque na democracia mandan os votos e os paises árabes máis os non alineados son maioría.
En canto ós comunistas, si xuntamos o que di vostede co que eu digo, xa temos un retrato mais completo. Nin eu nego o seu, nin espero que vostede negue o meu.
A última operación militar israelí en Gaza hai que interpretala como o que é: un intento de debilitar a un grupo terrorista que ven de cometer crimes de guerra contra a sua propia poboación. E chámolle operacion militar en non razzia nin masacre nin holocausto porque si somos obxectivos, non houbo unha batida para facerse con botín (razzia), nin moito menos holocausto ou masacre como se reportou en algúns medios de comunicación. Non sei o que dirá a súa vara de medir a respecto da masacre (aquí si) que perpetrou o rei de Xordania cando en 1970 asasinou a 15.000 palestinos (¿cal seria o seu obxectivo ultimo ademais de matar por matar?); ou os entre 350 e 800 palestinos de Al Fatah liquidados (tampouco sei por que obxectivo ultimo, ademais do de matar por matar) hai uns meses por Hamas cando deron o golpe de Estado en Gaza, ou as ducias, case un cento, de membros do partido de Arafat asasinados estes dias por Hamas sin que ninguen diga pío. Espero que lle funcione (a vara de medir)
Cordialmente, Miguel Boó
(*) De feito, Israel nunca violou ningunha decisión do Consello de Seguridade e, polo tanto, nunca foi sancionada por tal cousa.
Estimado Sr: Desculpas por non terlle contestado coa prontitude que vostede o fixo.
ResponderEliminarAgora ben, un par de puntualizacións:
Está claro que houbo, hai e por desgraza haberá máis problemas no mundo que este.Pero que o modo en que Israel tenta resolver este conflicto é de traca, se que o que quere é resolvelo que esa é outra; porque para declaracións como as que vostede transcribe tamén eu pódolle transcribir por boca de M.Beguin outras como que o reparto da ONU no 48 foi unha catastrofe nacional e histórica, prometendo que chegaría o día no que o conxunto de Palestina sería devolto ao pobo xudeo ou a proclamación de Jerusalen reunificada como capital eterna de Israel.E xa non seguimos facendo historia das accións terroristas israelitas: Irgún, Lejí, etc que vostede coñece perfectamente, ademáis da política sionista de desprezo do Libro Branco do 39,do Plan de Paz do 70, das anexións de territorios, das invasións do Líbano,dos muros levantados,...etc, etc,etc.
A cuestión, para min importante, é que o estado de ISrael forma parte, digamos, do noso mundo "civilizado".Este estado é socio prioritario da UE, ademáis de telos nas competecións europeas deportivas,e ata no festival de eurovisión.Polo tanto, fastídiame moitísimo que estando sentado a mesa con nós, sáltase o dereito internacional cunha impunidade total.Sinceramente críspanme, e a compasión que sentín por ese pobo despois do que sufriron en mans dos nazis pois vaise diluíndose por culpa, eso sí, dunha élite dirixente que practica o terrorismo de estado, e por favor, non friivolicemos cos nenos dunha e doutra parte que neste último ataque terrorista israelí morreron máis de CATROCENTOS, sen contar os tullidos que quedarían.
Por último,"unha intervención de debilitamento de Hamas", di vostede desta intervención.Pois nunca Hamas tivo tanto apoio como nestes momentos, e non se olvide que pese a que a prensa occidental e os líderes occidentais se empeñen en manchar o triunfo de Hamas nas eleccións democráticas, eles as gañaron limpamente e por goleada.Aínda que para vostede non teñan credibillidade, pese ao recoñecemento dos supervisores da ONU, pois os que tiñan que gañar eran os corruptos de Al Fatah, subvencionados estos sí, por Occidente e pese a que despois lles montaran unha guerra civil esos estómagos agradecidos.Así nos intentar vender a historia os líderes de occidente pero as veces a realidade é moi tozuda.
PS:Xa que vostede parece coñecer os datos, e parece que tamén ten cousas que criticar aos dirixentes israelís, sería tan amable de ilustrarnos con algunha acción censurable deles?
Grazas anticipadas e cordiais saúdos.
Vexo que lle asombra que poida ser crítico con Israel. Si vostede ten ocasión poderá comprobar que os israelíes son moi críticos. Non hai dous que pensen igual. E, ademais, hai libertade de expresión e todo o mundo pode decir o que quere. Xa me gustaría que os pobres palestinos, oprimidos polos seus iluminados dirixentes, tiveran isa posibilidade. Israel é un estado de dereito onde se procesa a politicos ou militares e onde os árabes teñen partidos, ministros, deputados, xuices, medios de comunicación etc.
ResponderEliminarA vostede preocupanlle os 400 nenos que Hamas dí que morreron nos ataques istraelñis (Hamás, supoño que vostede non o sabe, minte mais do que fala). A min tamén me conmoven esas perdas, pero tamén as do outro lado. Non vexo que vostede teña moita preocupación polas cifras que lle din na miña resposta anterior: só lle provoca compasión a morte dos nenos palestinos. Non lle preocupa que na década dos 90 Turquía masacrara entre 35.000 e 44.000 kurdos (con armamento español, por certo) e hoxendía sigan masacrandoos (nenos incluidos); tanto que durante este último conflito de Gaza, avións turcos bombardearon campamentos kurdos o 29 de decembro pasado. O exército daquel país xa arrasara 3.000 pobos e aldeas dese malfadado pobo que non só carece da solidaridade occidental, senon que ve como, España, por exemplo, e o seu presidente pacifista, apoian a entrada dese país na UE, pero non permitirían que Israel fora socio de Bruxelas. Os kurdos –un pobo de entre 27 e 35 millóns de persoas- teñen o seu Kurdistán OCUPADO por Turquía, Siria, Irán e Irak, pero iso resulta irrelevante. Os coitados trabucáronse de inimigo: si os bombardearan os xudeos entón si que habería un clamor universal de apoio. Pero o único que importa en Occidente é a ocupación de Cisxordania, xa que agora nin siquera se podia falar da de Gaza, xa que foi abandonada polos israelis en 2005. Por certo que lles deixaron 3.200 invernadeiros en pleno funcionamento e os palestinos, que ademais destruiron as vivendas dos colonos e por suposto as sinagogas, non deixaron unha hortaliza en pe. Destruiron todos os cultivos baixo plástico e iniciaron a preparación do lanzamento de misís contra a población civil israelí, sin deixar de lado axusticiar aos seus que lles resultaran díscolos (estes tampouco importan en Europa).
Eu comprendo que lle fastidie moitísimo que un país democrático como Israel se defenda como se defende. Pero explíqueme vostede por que non fai algo contra o señor Solana e todos os paises democráticos de Europa que bombardearon escolas, hospitais, embaixadas, edificios públicos e ata trens en Iugoslavia, causando 3.500 mortos, por ningunha baixa na OTAN. E despois dígame si só está disposto a condenar ás democracias e a seguir deixando que as dictaduras masacren a quen lles pete. Sabía vostede que dende o remate da segunda Guerra Mundial os musulmáns mataron a 11 millóns dos seus, mentres que en todas a guerras entre Israel e os árabes morreron 40.000 árabes e musulmans e 20.000 israelíes? Non sinte nada por eses 11 millóns de seres asasinados pola barbarie? Non vai condenar ese xenocidio, nin a manifestarse nunca? Non lle importa que Xordania masacrara a 15.000 palestinos? E Hamas a entre 350 e 700 seguidores de Al Fatah? Claro como son corruptos (que o son) entón poden asasinalos. Por certo, corruptos foron sempre, pero Europa apoiou e financiou a corrupción de Al Fatah con Arafat ao fronte e toda a esquerda europea foi arafatista a pesar de que roubou o que quixo e deixou ao seu pobo na indigencia. Por certo, Hamás tamén entrou na corrupción e queda cos envíos de axuda humanitaria, e os cobra, como cobra o uso dos túneles. Pero Hamas, ten bula en Europa.
Como lle dícía, as cifras de mortos que dan os medios de comunicación son datos de Hamas e, por tanto, de dudosa credibilidade. De feito, moito se protestou porque Israel non deixou entrar aos periodistas. Alguen se preguntou como era posible que sin periodistas no lugar dos feitos, todos os días as TV occidentais deran imaxes de Gaza? Alomenos un xornal italiano Il Corriere de la Sera, enviou un reporteiro que, só con visitar os hospitais e falar cos palestinos familiares dos asesinados por Hamas, soubo que a cifra de 1.300 mortos está, como mínimo duplicada. A min, personalmente, non me extrañaria que, ademáis, no reconto final, os de Hamas incluiran como mortos por Israel aos centos de asasinados por eles mesmos.
Son tan pouco de fiar que como so buscan –e consiguen- repercusión mediática, saben que poden dar as cifras que lles pete. Poñamos por ejemplo a manida “Matanza de Jenin”. O 27 de marzo de 2002 un terrorista suicida de Hamás matou a 32 persoas que celebraban a pascua xudea en Natania. O 3 de abril Israel enviou as suas tropas a Jenin, poboación da que saían a maioría dos suicidas. Durante 8 días tuvo lugar o que certa prensa chamou, coa sua dose de amarelismo, a “batalla de Jeningrado”. A BBC informou o 10 de abril de que Israel matara a 150 palestinos. O voceiro da ANP, Saeb Erekat declarou á CNN que había 600 mortos. Un novo informe, esta vez do ministro palestino Abed Rabbo, elevou á cifra a 900, e engadiu que Israel os soterrara. Ahmed Andel Rahman, secretario xeral da ANP deixou finalmente a cifra en milleiros de palestinos mortos “soterrados polos israelíes”. Kofi Annan decidiu abrir unha investigación, convocou a asamblea xeral da ONU e condenouse a Israel. O 31 de xullo de 2002, as Nacións Unidas emitiron o seu ditame final establecendo que que na batalla morreran 52 palestinos (a meirande parte deles combatentes) e 23 soldados israelíes, e de que os soterramentos non existían.
A noticia, que orixinariamente –cando demonizaba a Israel- saiu en portada de todos os medios, desta volta foi publicada só por algún, perdida nas súas páxinas… Pero a quen lle importa, se hoxendía se sigue falando da MASACRE, do HOLOCAUSTO de Jenin? Eso sí, ¡menos nmal que os medios de comunicación están controlados polos xudeos!
O venres pasado, o diario El Mundo publicaba en 8 liñas, a unha columna, que Hamas executara a sospeitosos de colaborar con Israel. Non importa que sexan centos, non importa que unha española casada cun palestino –como contei no artigo anterior que vostede tamén comentou- relatara en vivo á CNN que “los maditos islamistas la tuvieran a ella y a su familia como rehenes y escudos humanos”. Non importa, que apliquen a súa “lei” que consiste en converter colexios, mesquitas e vivendas habitadas en lugares dende os que se disparan misís, só co obxectivo de conseguir a resposta de Israel e logo poder exhibir sangue. Viu vostede o video da nada sospeitosa Al Arabiya? Recorda vostede que o ministro exipcio de exteriores e o propio presidente da ANP culpou a Hamás da resposta israelí? Sabe que esta resposta se produciu logo de que durante a “tregua”, que non foi tal, Hamás guindara 2156 misís contra poblados israelíes? Sabe que mesmo cando as tropas israelíes estaban en Gaza, Hamás non dirixía os seus misís contra os soldados senon que o seguia facendo contra a poboaciòn civil? Sabe que Louis H. O. Michel, Comisario para o Desenvolvemento da Axuda Humanitaria da UE, tamén culpou a Hamás, adxudicandolle a absoluta responsabilidade polo sucedido, en declaraciòns feitas á prensa en Jabalya (Gaza) durante a sua visita do 25 de xaneiro pasado? Sabe que despois desa rolda de prensa a axencia Reuters informou de que o alto oficial da UE imputou ao grupo islámico usar civis como escudos humanos? Sabe que iso é un crime contra a humanidade?
Pero xa vexo que o único que importa é que gañaron as eleccións. Supoño que vostede sabe que gañar unhas eleccións non lle da dereito a dar un golpe de estado cruento, matar (xa daquela) a 350 opositores, disparar 8.000 misis contra os seus veciños e logo, para ampararse da resposta do fillo de puta do seu viciño, agacharse entre a poboaciòn civil, usala de escudos humanos. mentres eles se agachan nos búnkeres baixo terrra que lles negan á súa cidadanía.
Finalmente, no que plantexa vostede no seu post scriptum direille que son crítico cos asentamentos feitos nos últimos anos, crítico co goberno Sharon, crítico con acciòns ou declaraciòns de membros do goberno como Avigdor Lieberman, lider de Israel Beiteinu; crítico cos ultradereitistas e cos ortodoxos etc. Identificome coa liña de Paz Agora e co escritor Amos Oz, por exemplo. Xa me gustaría que do lado palestino e dos que os apoian existira autocrítica e movementos pola paz como hai en Israel.
Cordialmente
Miguel Boó